Retina Display in iPhone 4

Retina Display in iPhone 4

"ரெடீனா டிஸ்பிளே" என்பது ஒரு தொழில்நுட்பம். ஏற்கனவே இருக்கும் ஒன்றிலிருந்து சற்று வித்தியாசப்படுத்தி இதை நாங்கதான் கண்டுபிடிச்சோம்ங்கற மாதிரி செய்வது கார்பரோட் கம்பெனிகளின் வேலை...

அப்படியான ஒன்றுதான் “ ரெடீனா டிஸ்பிளே” அதாவது வழக்கமாக நம் கண்கள் பார்க்கும் காட்சியை வகைப்படுத்தாது அப்படியே வாங்கிக்கொள்ளும். கணிணியை பொறுத்தவரை எல்லாமே பிக்சல் தான். அதாவது ஒரு இஞ்ச் அளவிலான சதுரத்தில் எத்தனை புள்ளிகள் என்பதுதான். அந்த புள்ளிகளின் நெருக்கத்தைக் கொண்டே நாம் காணும் காட்சியின் தெளிவு நமக்கு அறியவரும். இது கணிணி சார்ந்த காட்சிகளுக்கு மட்டுமே. இன்னமும் பிலிம் கேமராவுக்கு ஈடு இணைக்கு இந்த டிஜிடல் புரட்சி வரவே இல்லை...ஆனால் அதற்கு மேலாக வர துடித்துக்கொண்டிருக்கிறது.

பிலிம் வெர்சஸ் டிஜிடல்
சிறியது + தெளிவானது + பெரிதுபடுத்துனாலும் படத்தின் தரம் குறையாது
பெரியது + பெரிதாக இருப்பதால் தெளிவு + மேலும் பெரிதுபடுத்த இயலாது

எனவே நீங்கள் உங்கள் டிஜிடல் கேமராவில் எந்த அளவிற்கு பெரிதாக எடுக்கிறீர்களோ அந்த அளவிற்கு படமும் தெளிவாக இருக்கும். அதனால் தான் மெகா பிக்சல் அளவு போய்க்கொண்டே இருக்கிறது. இப்பொழுது சராசரி கேமராவிலேயே 14.0 மெகா பிக்சலுக்கு படம் பதிய முடிகிறது. அதாவது சுமாராக 36 இன்ஞ் அல்லது 3 அடி அளவிற்கு படம் வருவதால், தாத்தாவையோ, அம்மாவையோ படம் பிடித்து வினைல் பிரிண்ட் போட்டு வீட்டில் மாட்டிவிடலாம். என்ன திருஷ்டிக்கா? அடப்பாவிகளா?

கம் பேக் டு தி iPhone 4 Retina Display :)

iPhone 2  போட்டாச்சி,
iPhone 3 போட்டாச்சி,
iPhone 3G  போட்டாச்சி,
iPhone 4  போட ஏதாவது புதுசா பண்ணனுமே? ஓகே, டிஸ்பிளே சிறப்ப இருந்தா கேமராவை, சினிமா பாடலை, சினிமாவை பார்கிறதுக்காகவே iPhone 4 வாங்கிறமாட்டாய்ங்க !? அப்படின்னு ஆப்பிள் நினைச்சு “ரெடீனா டிஸ்பிளே” ன்னு கூவ ஆரம்பிச்சுட்டாங்க.

ஒரு iPhone ல் டிஸ்பிளே ஸ்கிரீன் அளவு பார்த்தா 320க்கு480 தான், அதாவது குறுக்கும் நெடுக்குமா இருக்கக்கூடிய பிக்சல் அளவு. சாதாரணமாக நாம் வலைதளங்கள் வழியாக காணும் படங்கள் ஒரு இன்ஞ் அளவுக்கு சுமார் 72 புள்ளிகள் மட்டுமே பெற்றிருக்கிறது. அதனால் தான் யாரும் அவற்றை சுட்டு தங்கள் வேலைகளுக்கு உபயோகப்படுத்த இயலாது. பெரிசாக்கினால் பல்லைக்காட்டும்... அதாவது பிக்சல் என்ற பல்லை...

ஆனால், iPhone ஒரு டிவைஸ், தனிப்பட்ட ஒரு கருவி. அதனால் 72 என்ற சதுரப்புள்ளிகளுக்கு பதிலாக 126 சதுரப்புள்ளிகள். அதாவது கிட்டதட்ட 26 ஆயிரம் புள்ளிகள்கள் இணைந்து காட்சியை உருவாக்குகின்றன. எனவே வலைதளங்கள் வழியாக காணும் படங்களை விட தெளிவான காட்சியை கொண்டிருக்கும். இந்த தொழில்நுட்பம் iPhone 3G வரை மட்டும் நின்றுவிட்டது. இதுவரை வாங்கதவர்கள் பாக்கியசாலிகள்.

இந்த தொழில்நுட்ப புரட்சி மனிதர்களிடையே புது மன அழுத்த நோயை பரப்பிவருவதாக அறிகிறேன்... இல்லாதவனுக்கு இல்லையே என்ற கவலை. இருப்பவனுக்கோ இதைவிட அது நல்லாயிருக்கேன்னு கவலை...

இந்த காட்சி பரவசத்தை மேலும் அதிகமாக்க  Phone 4 க்கு ஒரு புதிய தொழில் நுட்பம் போல ரெடீனா டிஸ்பிளே அறிமுகப்படுத்தி விட்டது ஆப்பிள் நிறுவனம். டிஜிடல் படங்கள் மட்டுமில்லாது, பாடல் காட்சிகள், திரைப்படங்கள் முதற்கொண்டு ஸ்கிரீனில் பார்க்கிற அனைத்துமே நான்கு மடங்கு துல்லியமாக தெரியும் பொழுது அதை வாங்காமலிருக்க முடியுமா?

Phone 4 ல் 26 ஆயிரம் புள்ளிகளுக்குப்பதிலாக 106 ஆயிரம் புள்ளிகள் இணைந்து காட்சியை தருகின்றன. ஸ்கிரீன் சைஸ் பார்த்தோமானால் 640க்கு 960 என்பதாகவும் 326 சதுரப்புள்ளிகள் கொண்டதாகவும் இந்த "ரெடீனா டிஸ்பிளே" இருக்கிறது. இது சாதாரணமாக கண்களுக்கு தெரியக்கூடிய பல்லை, அதாங்க பிக்சலை தவிர்க்கிறது. எனவே துல்லியம் சாத்தியமாகிறது.

இந்த படங்கள் ஓரளவு தெளிவுபடுத்தும் என்று நம்புகிறேன்.

மேலும் விபரங்கள் அறிய...
www.apple.com

--------

Hire Sugumarje, Caricaturist for Live Caricature on Your Event and Parties. Make unforgettable movement for Your Parents, Brothers, Sisters, Lovers, Relatives, Friends, kids and Children, Club Members, Official Members and Your well wishers. Coffee Mug Caricature, Gift Caricature Avail... 

Call to: +91 9442783450 / mailto: sugumarje@gmail.com

Post Comment

திரைப்படத்துறை - சினிமா தொழில் நுட்பம்

திரைப்படத்துறையும், கணிணிதுறையும் பிண்ணி பினைந்துவிட்ட இந்த நாட்களில் கணிணிதுறைச்சார்ந்த எனக்குத்தெரிந்த திரைப்படத்திற்க்கான சில செய்திகளை தர விழைகிறேன்...

எந்த ஒன்றும் கணிணிக்குள் நுழையும் போது 1, 0 வாகவே இருக்கும் என்பது அறிந்து மறந்துபோன ஒன்று...அல்லது சைபர்... ஆனால் அது காட்சி வடிவாக மாறவேண்டின் இன்னுமொரு பரிணாமம் பெறுகிறது. அதுதான் Pixel - a Minute area of illumination on a disply screen, one of many for which an image is composed. ஒரிரு நொடிக்குள் பல கோடி புள்ளிகள் இணைந்து உருவாக்கும் ஒரு மாயப்பிம்பம்.

காத்தெடு CRT,தொல்லைகாட்சி, மானிட்டர் ஒருரகம், பிளாஸ்மா ஒருரகம், ஹை-டெஃபினிசன் ஒருரகம், LCD ஒருரகம். ஒவ்வொன்றும் எவ்வளவு குறுகிய வினாடியில் எவ்வளவு அதிகமான புள்ளிகளை இணைத்து மாயப்பிம்பத்தை உருவாக்கும் என்பதுதான் வித்தியாசம். அந்த பிக்சல் எந்த கணக்கில் இருக்கிறது? ஒரு இன்ஞ் அளவான சதுரத்தில் 72 புள்ளிகள் முதல் 600 புள்ளிகள் வரை. உங்கள் அலை (பயணத்தின் போது கொலை) பேசியை சோதியுங்கள், எத்தனை லட்சம் புள்ளிகள் என்று. உங்கள் அலைபேசி திரை 240x320 பிக்சல் அளவுகள் கொண்டதாக இருந்தால்... அது 0.76 mega pixel கொண்ட அலை பேசி.

திரைப்படத்துறை நேரடியான பதிவு, காட்சி என்றிருந்த வரையில் பிக்சல் திரைப்படத்துறையில் கண்டுகொள்ளப்படவில்லை. திரைத்தொகுப்புக்காக திரைப்படத்துறை கணிணியை நாடிய போது... திரைப்படத்துறையை கணிணிதுறை வசீகரித்துக்கொண்டது. இதற்கிடையே NTSC System, PAL System வேறு மட்டையடித்தன. அதெல்லாம் கடந்த நிலையில் அதனுடைய விளக்கம் தேவையில்லாத ஒன்று. குறிப்பாக ஒரே ஒரு வித்தியாசம் PALக்கு 25 ஃபிரேம், NTSCக்கு 29.97 ஃபிரேம். என்னங்க...25, 29.97? ஒரு நொடிக்குள் நாம் காணும் மாயப்பிம்பங்களின் எண்ணிக்கை. நிற்க...

என்னிடம் எங்கேயாவது திரைப்படம் ஓடுகிறது என்று சொன்னால் அடி பின்னிடுவேன்...காட்டப்படுகிறது என்பதே உணமை. தொடர்சியாக பதியப்பட்ட நிழற்படங்களை அதே வேகத்தில் ஒவ்வொன்றாக பார்க்கிறீர்கள், அவ்வளவுதான். உங்கள் வீட்டிற்கு அடுத்த வீட்டில் ஒரு குமரி இருக்கிறார் அல்லவா? அவரை (சொல்லிவிட்டு) ஒருநொடி பாருங்கள்... டிக்... இப்போது உடனே கண்களை முடிவிட்டு (ஐயா.. உங்கள் கண்களை சொன்னேனய்யா) இல்லம் வாருங்கள். உங்கள் கண்களுக்குள் இன்னமும் குமரி தெரிகிறாள் அல்லவா? இவ்வளோதான் சினிமா...

தொடர்சியாக பதியப்பட்ட நிழற்படங்களின் வேகம்... Fps - Frame per second... 12, 24, 29.97, 48 என்ற வரிசையில் அமையும். அப்படியானால் ஒவ்வொன்றுக்கும் என்ன வித்தியாசம்? கண்களுக்கு ஊறு விளைவிக்காமல், ஆஹா! அற்புதமான நிழற்பதிவு, திரைப்படம் என நம்மை சொல்லவைப்பதுதான்.

உதாரண Fps காண்க...

12 Fps


24 Fps


25 Fps


29.97 Fps


48 Fps




(எல்லாமே நானே உருவக்கியதாக்கும்... )


இது 3d மாக்ஸ் ல் உருவாக்கிய 48 Fps....





இது 30 Fps



அடுத்தது...

இப்போதெல்லாம் 2K பிலிம் என்று சொல்ல கேட்டிருக்கலாம்... ஹாலிவுட் பாலா- அக்கரைச்சீமை தொடராளிகளுக்கு இது பரிச்சயமிருக்கலாம். 2K என்பது 4:3 என்ற விகிதாசாரத்தில் 2048x1536 பிக்சல் கொண்டதான ஒவ்வொரு ஃபிரேம் மாயப்பிம்பம்... கிட்டதட்ட 28.4x21.3 இன்ஞ். இதன் அளவு 3.1 மெகா பிக்சல்...

Render பண்ணிணா எத்தனை நாளாகும்?... ஹை-டெக் கணிணியாக இருந்தாலும் சுமாராக 24 மணி நேரத்திற்கும் மேலாக...

அட போங்கய்யா... ரூபாய் 100 டிக்கெட்ல எல்லாம் அடங்கிபோகுதல்லவா?
இவ்வளோ விளக்கம் தேவையா?...

வேண்டியதுதான்....

Post Comment